شاعر:کربلایی کریم نصیری دولت آبادی
فاطمه یار با وقار علی فاطمه یعنی ذوالفقار علی
فاطمه پاسدار سنگر دین فاطمه مقتدای اهل یقین
فاطمه ماه جنت آرادی فاطمه معنی تولّادی
فاطمه بضعه ی پیمبردی فاطمه مرتضایه همسردی
فاطمه شاهباز اوج شرف فاطمه غمگسار شاه نجف
فاطمه یعنی اقتدار علی فاطمه یعنی جانثار علی
فاطمه معدن عفاف و حیا فاطمه معنی حدیث کسا
فاطمه زینت مصلّادی حق یانیندا مقامی والادی
فاطمه کائناته زیوردی شانیده حیدره برابردی
فاطمه فُلک عشقه لنگردی ایکی دنیا زنانه سروردی
فاطمه خلقتون گوزل گولودی فاطمه ذات حقه سویگولودی
فاطمه حشریده قیامت ایدر بیربیر اوز شیعه سین شفاعت ایدر
جسم پیغمبر ایچره جاندی خانم مادر صاحب الزماندی خانم
اُزی شهبانوی امیر عرب ایوی دانشسرای علم و ادب
حسنینی شباب اهل جنان هر بیری حجت خدادی عیان
قیزلاری با حیا ملک سیما اللرین اُپسه فخر ایدر حورا
ذات حقه حبیبه دور بو خانم دردین اولسا طبیبه دور بو خانم
تپراقا باخسا فاطمه زر ایدر قطره نی بحریله برابر ایدر
طوی گونی سائله ویرنده دونون حاتمی مات ایدوب سخاسی اونون
باخما گیزلندی قبری یوخ حرمی ورولوب عرشه فاطمه علمی
وار او قدری جلالی بو گوزلین آتاسی فخریله اُوپردی الین
خیبری فتح ایدنده شیر خدا دم به دم سسلنردی یا زهرا
گوز آچاندا جهانه خیره نساء نور باران اولوندی ارض و سماء
واردی زهرا آدیندا چوخ برکات خانمون روح پاکینه صلوات
شعر ترکی درباره حضرت فاطمه(س)
گزيده سخنان